»V Reziji« na Trnovski planoti

Abstract

Il contribût al trate di di dulà che al ven il non di chei che une volte a jerin trê cjasâi e che cumò a fan un borc (di cinc cjasis) intal Plan di Tarnove e che ju clamin v Reziji (in Resie). La tradizion orâl e sclarìs il non cu lis visitis frecuentis di chei Resians che a vignivin intal teritori dal Bosc di Tarnove a fâ il gue o tant che cramars e che intune di chês cjasis a varessin cjatât jet par une gnot o magari a saressin restâts a vivi par simpri; la cjase e à non Pri Štimovih (il verp štimati al vûl dî «prontâ, justâ, indreçâ, comedâ – un orloi, une ruede»). Un altri sclariment, mancul probabil, al fâs vignî il non da la peraule todescje resa, res tal sens di «pasc suntune cleve; lisse (agâr par fâ sbrissâ jù i lens taiâts in mont)». Une lisse e passave dilunc dal borc e le dopravin par menâ i lens dal Bosc di Tarnove jù a Gurize.