Kaj so Slovenci v 19. stoletju vedeli o Furlanih in kako so Furlane spoznavali?

Abstract

Il secul XIX, il secul des nazions, al stiçà jenfri i Slovens, biel che a convivevin za passe mil agns parie cui Furlans, un interès gnûf e di une gnove cualitât pai siei vicins ocidentâi. Inta chel timp i Slovens a studiavin e a infuartivin la lôr identitât e chel fat al contribuì a fâ nassi chel interès. Biel che intal Friûl si sclarivin i caratars (massime chei culturâi) dai siei abitants, la regjon e cjapave sù l'aspiet di une comunitât di tratâle e di capîle disseparade dai Talians. Il studi dal mont furlan al cjapave dentri elements di antropologjie, di linguistiche e di ricercje su la culture inte acezion plui slargjade che si pues. L'interès pai Furlans al jere peât a strent cul studi su la condizion dai “Slovens furlans” inta la Sclavanie. La varietât di lenghis e di popui intal teritori furlan cu la sô complessitât e menà dongje ancje interpretazions faladis e inesatecis intes classifi cazions etnichis. Daûr di Štefan Kociančič, chel prin che dal 1850 al scrivè plui a larc sui Furlans, si intassarin plusôrs autôrs slovens che a publicarin tescj di publicistiche o ancje sientifi cs.